CCOO fai un documento de sofitu a la oficialidá de la llingua

  • Tamos nun nuevu escenario políticu, dase una mayoría abonda na Xunta Xeneral del Principáu: el candáu nes puertes de la oficialidá ta rotu, agora podemos avanzar dende’l consensu y l’alcuerdu.

Asturies merez que la so llingua seya reconocida. Y el mayor reconocimientu, un reconocimientu imprescindible, ye la oficialidá. Lo que nun s'entiende ye qu'a estes altures de la democracia esto seya tovía un tema pendiente. Porque ye un derechu cultural. Agora, énte la posibilidá que s'abre de "anovar" l'Estatutu d'Autonomía, el parllamentu asturianu tien la gran oportunidá d'acabar con una delda hestórica cola llingua. Porque si queremos que'l nuesu patrimoniu cultural sobreviva tenemos que cuidalu y da-y el máximu altor y consideración: facelu oficial. Cumpliremos d'esti mou col artículu 3.2 de la Constitución qu'afita que "les demás llingües serán tamién oficiales... acordies colos sos estatutos". 

31/05/2021.
Oficilidá

Oficilidá

Darréu d'ello, nun s'entendería que, amás de los partíos progresistes qu'hestóricamente defendieron la oficialidá, el restu de formaciones democrátiques y constitucionalistes, igual que los sindicatos de clas y les organizaciones empresariales, nun s'amestaren a esti reconocimientu pendiente. Porque tamos falando del patrimoniu cultural de más valir que tenemos: la nuesa llingua. Un patrimoniu qu'hemos caltener.

 Nun tendría perdón nun lo facer. Y ye agora cuando tenemos la oportunidá.

 

Documentación asociada

PolaOficialidá

    •
Audios asociados

José Manuel Zapico, pola oficialidá

    •
Documentación asociada

PolaOficialidá