Comisiones Obreres d'Asturies | 28 marzo 2024.

  • Uniones comarcales
  • Unión Comarcal de Siero
  • Actualidad

Tien de garantizase qu’Amazon cumple colos drechos llaborales que marca la reforma llaboral

  • CCOO destaca que’l xigante lloxísticu tien que tener apegamientu al territoriu y ser el tractor económicu de la redolada, y alvierte de que tará sollerte pa que seya asina

Na tarde de güei en Siero Piloña, la redolada onde más creció’l númberu de persones al paru nos últimos catorce años y tamién la que tuvo una incidencia demográfica menos negativa, cellebróse un alcuentru sindical . El secretariu xeneral de CCOO d’Asturies espunxo que respeuto a 2008 hai 1.478 desemplegaes y desemplegaos más. “Entá tamos sufriendo consecuencies de l’anterior crisis y pagando la salida de so”

15/02/2022.
Encuentro Sindical con Siero Piloña

Encuentro Sindical con Siero Piloña

Nel alcuentru rescamplóse que la rodiada ye una de les que más desendolcu ta teniendo pola entrada de grandes empreses como Amazon. Y que’l xigante lloxísticu tien que crear emplegu de calidá con drechos, tal y como marca la reforma llaboral: quier menguase la temporalidá y nun se va a almitir como causa de contratu temporal la realización de los trabayos nel marcu de les contrates, subcontrates o concesiones alministratives.

Al respeuto de la llegada d’Amazon, la secretaria xeneral de CCOO de Siero Piloña recalcó que “ye una bona noticia qu’una multinacional s’asitie na redolada siempres que cumpla colos drechos llaborales de toles persones que trabayen nes sos instalaciones y tenga apegamientu al territoriu. Tien que ser el tractor económicu”. Eso sí, señala categórica Bibiana Martínez, “que nun tengan dubia, en CCOO vamos tar sollertes”.

Audios asociados

Bibiana Martínez